Thursday, June 27, 2013

إخواني يحاور نفسه الثورجية...

كالعادة دايما نركز علي النتيجة و مش الأسباب الي و صلتنا للنتيجة
.
الإخوان (ومن معهم) زعلانيين على الى مات منهم في المنصورة (كلنا زعلنين طبعا لأن دول مصريين) و زعلانين إن الناس بتتمرد علي مرسي و عليهم  من غير ما يسئلوا نفسهم سؤال مهم...
إيه الي و صلنا لكون كل الناس دي ضدنا؟
و ليه صحاب إمبارح إتمردوا علينا؟

"الهزيمة عادة بتكون بسبب أخطاء أنا عملتها، قبل ما تكون بسبب قوة خصمي"

مراجعة بين الإخواني و نفسه الثورجية:

تعالى نراجع الشريط من الأول كده...
النفس: كان حال الأخوان إيه في البلد بعد الثورة؟
الإخواني: كنا زي الفل. محبوبين و الناس متعشمة فينا خير.
النفس: كان حالكو إيه مع زملائكوا الثوار من التيارات التانية؟
الإخواني: آه, كنا حبايب و قلنا إن البلد تكفينا كلنا، لحد...
النفس: لحد إيه؟
الإخواني: يعني إختلفنا على الإعلان الدستوري
النفس: وقلتوا إيه وقتها؟
الإخواني: قولنا إحنا و حلفائنا للناس: قول "نعم" لحماية الشريعة الإسلامية و "غزوة الصناديق"
النفس: و بعدين؟
الإخواني: دي تقريبا عدت، لحد لما...
النفس: لحد لما إيه؟
الإخواني: يعني، قلنا كام حاجة معملنهاش
النفس:  زي إيه؟
الإخواني: "حندخل ننافس على 35% من البرلمان بس" و "مش حنترشح للرئاسة" و شوية حاجات بسيطه كده
النفس: و بعد كده؟
الإخواني: خدنا البرلمان قمنا قلبين علي زملائنا الثوار من التيارات التانية
النفس: وقلتوا إيه وقتها؟
الإخواني: قلنا "إيه الي وداهم هناك" و "يا واد يا مؤمن
النفس: و بعد كده؟
الإخواني: من وقتها و إحنا بنتنك و نحتكر السلطة، ما إحنا الأغلبية و الأقوى على الساحة
النفس: و بعد كده؟
الإخواني: كسبنا الرئاسة
النفس: و بعد كده؟
الإخواني: يعني كان فيه ناس عصرين على نفسهم لمون و إنتخبوا راجلنا
النفس: و بعد كده؟
الإخواني: إختلفوا معانا في طريقتنا في الحكم  و "الإعلان الدستوري"و أداء راجلنا
النفس: وقلتوا إيه وقتها؟
الإخواني: إتهمنا الكل (الي مش من رأينا) بالعمالة أو الفلولية أو الفسوق أو حتى الكفر
النفس: و بعد كده؟
الإخواني: قعدنا ننكركل يوم إن شعبيتنا بتقل ... دي يا جماعة كانت بتزيد. ده إحنا الي معايا الصناديق!
النفس: و بعد كده؟
الإخواني: نزل في يوم عدد هائل مننا و شلفطنا الهمج (الثوار) بتوع الإتحادية... هما فكرين إنهم يشتموا راجلنا و إحنا نتفرج. كان لازم تأديبهم
النفس: و بعد كده؟
الإخواني: يعني "سحرة فرعون" قعدوا يكدبوا علينا و يتهمونا بحاجات ظلم و يتلككوا للحكومة و الريس
النفس: يتلككوا إزاى يعني؟
الإخواني: يعني "ناسا" و "لخبطة القرارات" و "فضيحة بث المؤتمر بتاع مياه النيل و سد أثيوبيا" و "تعالي و أنا أقول لك" و "وزارة الثقافة"... حاجات بسيطة يعني"
النفس: و دلوقتي إزاي الحال؟
الإخواني: إتلموا كلهم ضدنا... جيش، شرطة، مسيحيين، ثوار ، حزب كنبة، لبراليين، علمانيين، و غيرهم
النفس: غيرهم مين يعني؟
الإخواني: يعني... مسلمين كده بس بالإسم..."وخدين الكفر ملة و دين

النفس: بقي يا راجل بعد كل ده، و أسلوبك مع الناس ده و مش عايز الكل يقلب عليك؟
مش كان أولى تفضل إيدك في إيد زمايلك الثوار من الأول كان زمنكوا عديتوا مع بعض بسلام؟
يا راجل ده إنتوا خليتوا حزب الكنبة يترحم على مبارك. و أادي الفلول شموا نفسهم تاني. ده يا مؤمن في ناس فلول بقوا عاشين دور الثورجية. شفت الهنا الي بقينا فيه؟
و أرجع أفكرك تاني: "الهزيمة عادة بتكون بسبب أخطاء أنا عملتها، قبل ما تكون بسبب قوة خصمي

الإخواني: أنا متهزمتش! "كله إلا مرسي"... "ده معاه الشرعية" "دونها الرقاب" "حتضيعوا الثورة

النفس: حسبنا الله ونعم الوكيل فيك يا شيخ. جبتلي شلل

Mood: Mashlool min el kalam ma3ahom :S

6 comments:

L.G. said...

ههههههه تدوينة من أفضل ما يكون أنا ليا صديقة اخوانية ساكتة خالص الاول كانت تبرر وتدافع ولما كنت اناقشها الحجة بالحجة كانت في الآخر تقولي عندك حق دلوقتي بطلت تحاول تقنعني انهم كويسيين وانا حاسة ان هي نفسها مش مصدقاهم خلاص
من افضل التدوينات اللي قريتها مؤخرا
تحياتي

Fadfadation said...

Thanks l.g.
They r soooo annoying. They had a golden chance and now everyone is against them

Sagacious Sara said...

Didn't read the post yet, but wanted to come by and say hello! Will be catching up on your blog soon. I miss writing so much! Marriage and two kids later, think it's about time I find myself again.

You were always a huge support. :-)

Fadfadation said...

Yaaaaaaah, wow it has been like 6 years or more?
Good to know u r goos and kicking. I underatand the "myself" part...we all need to vent somehow.
I stopped writing for like 3 or 4 years, and then started again after the revolution.
But now... i am back to not feeling like writing again... so depressing.

Sagacious Sara said...

Exactly! I feel like I've been taking care of everyone else, I forgot my love for expressing myself and documenting my precious moments! Here in the US, I feel like the days have no Barakah! By the time everyone is fed, changed and tucked into bed, I just have a few minutes of silence to myself. The life of a wife and mother! Just recently I remembered that I actually had a blog.

You should start writing again too! I'm not really following the events in Egypt. I always referred to your blog when I needed a thought out point of view during the Thawra. It's very depressing seeing things from afar now. I miss those beautiful sights in Egypt and it hurts my heart thinking of all those struggling there right now.

Fadfadation said...

Walahi arya7 that u r not following it. I stopped even commenting on facebook and twitter min kotr el araf. People have become so aggressive and non-accomodating to others.
I know what u mean about the short days... i am your neighbor up above :)